Guðmundur tók sæti í stjórn 13. maí 2024. Guðmundur er menntaður viðskipta- og markaðsfræðingur frá Salmem State Collage í Massachusetts í Bandaríkjunum. Guðmundur er jafnframt útgerðartæknir frá Tækniskóla Íslands. Guðmundur hefur verið forstjóri Brim hf. síðan 2018 að undanskildum tæpum níu mánuðum. Guðmundur hefur rekið útgerðarfélög samfleytt í yfir 35 ár. Hann var áður forstjóri Útgerðarfélags Reykjavíkur hf. (sem þá bar nafnið Brim hf.) til ársins 2018. Þar á undan var hann framkvæmdastjóri Útgerðarfélagsins Tjalds ehf. og framkvæmdastjóri Kristjáns Guðmundssonar hf. á Rifi. Guðmundur á sæti í stjórnum Fiskitanga ehf., Icelandic Japan KK og Arctic Prime Fisheries ApS auk fleiri félaga. Guðmundur er raunverulegur eigandi alls hlutafjár Útgerðarfélags Reykjavíkur hf.

Hjálmar tók sæti í stjórn 13. maí 2024. Hjálmar er menntaður fiskiðnaðarmaður frá Fiskiðnaðarskólanum í Hafnarfirði. Hjálmar starfaði sem verkstjóri og síðar framkvæmdastjóri KG Fiskverkunar ehf. á árunum 1978-2020. Hjálmar á m.a. sæti í stjórnum Brim hf., Stekkjarsala ehf. og Votlendissjóði.

Rebekka Guðmundsdóttir, meðstjórnandi, fyrst kjörin í stjórn í Apríl 2016. Rebekka er útskrifuð með BSc í tölvunarfræði frá Háskólanum í Reykjavík (2017). Rebekka hefur setið í stjórn útgefanda frá árinu 2016 og hefur einnig gengt starfi aðstoðarmanns forstjóra Brims hf. frá árinu 2019. Rebekka hefur unnið fjölbreytt störf innan sjávarútvegsins, m.a. fiskveiðar, vinnslu og skrifstofustörf. Rebekka er háð félaginu og hluthöfum þess vegna venslatengsla við Guðmund Kristjánsson. Rebekka á engin önnur hagsmunatengsl við helstu viðskipta- og samkeppnisaðila félagsins en framan greinir.

Runólfur Viðar Guðmundsson, framkvæmdastjóri. Runólfur er með M.S gráðu í iðnaðarverkfræði og B.S gráðu í Iðnaðar- og vélaverkfræði frá Háskóla Íslands og stúdent frá Verzlunarskóla Íslands af stærðfræðibraut. Runólfur er með löggildingu í verðbréfaviðskiptum.

Runólfur hefur verið framkvæmdastjóri Útgerðarfélags Reykjavíkur hf. síðan september 2018, þar áður fjármálastjóri og aðstoðarmaður forstjóra útgefanda frá 2010. Hann starfaði þar áður á íslenskum fjármálamarkaði frá 2006 til 2009 við verðbréfamiðlun. Á árunum 1989 til 2006 vann Runólfur fjölmörg störf í íslenskum sjávarútvegi, m.a. við fiskvinnslu, fiskveiðar og stjórnun.

Runólfur er einnig framkvæmdastjóri tveggja dótturfélaga útgefanda, ÚR Innovation ehf. og RE-13 ehf. Runólfur er í stjórn Zym Ice ehf. sem er eignarhaldsfélaga um framleiðslu og markaðssetningu á Unbroken. Þá situr Runólfur í stjórn Rafnar ehf. og er stjórnarformaður Sirion Seafood ApS, sem er danskt sölufélag í 100% eigu útgefanda. Runólfur er venslaður við eigendur og stjórnendur sjávarútvegsfyrirtækisins Guðmundar Runólfssonar hf. í Grundarfirði, félag sem er í 100% eigu fjölskyldu og annarra ættingja Runólfs. Framkvæmdastjóri Guðmundar Runólfssonar hf. er faðir Runólfs.